भुसार बाजार विभागातील जागेत गूळ या शेतीमालासाठी दोन गोडावून बांधले आहेत. या दोन गोडावूनचे बांधकाम फ्रेम स्ट्रक्चरचे असून ५० फूट स्पॅनचे अखंड बीम आहेत. गूळ व इतर शेतीमाला साठवणूक व विक्री व्यवस्था सुलभ व सुव्यवस्थित व्हावी यासाठी गोडावूनची सोय बाजारपेठेत उपलब्ध करुन देण्यात आली आहे. एका गोडावून मध्ये २५ हजार याप्रमाणे दोन गोडावून मध्ये मिळून ५० हजार गूळ साठविणेची सोय आहे. प्रत्येक गोडावूनची भुसार माल साठविणेची क्षमता १७००० क्विंटल इतकी आहे. सदर गोडावून लगत संड्रीशॉप्स दुकाने बांधली आहेत. यातील प्रत्येक गोडावूनची लांबी २०४ फूट, रुंदी ५१ फूट क्षेत्रफळ १०४०४ चौरस फूट आहे. ए टाईप गोडावूनच्या लगत उत्तर बाजूस १८ व बी टाईप गोडावूनच्या लगत दक्षिण बाजूस १८ अशी ३६ दुकाने बांधण्यात आली आहेत. प्रत्येक दुकानाची लांबी १५ फूट व रुंदी १०/७ फूट असून प्रत्येक दुकानाचे क्षेत्रफळ १६१ चौरस फूट आहे. सदरची दुकाने बाजार समितीच्या परवानाधारक नियंत्रित शेतीमालाच्या व्यवसायासाठी भाडेपट्ट्याने वाटप केली आहेत.